Dr. Leyla Zülfüqarlı

Dr. Leyla Zülfüqarlı — Həkim diyetoloq, Nutrisioloq, Funksional Tibb və Anti Age mütəxəssisidir. 2008-ci ildə Bakıda ali tibbi təhsili bitirdikdən sonra, Ukrayna və Türkiyənin (İstanbul Medipol Universiteti) aparıcı klinikalarında elmi-praktik təcrübə keçmişdir. O, Azərbaycanda diyetologiya sahəsində ilk kitabların müəllifidir.

Akademik Nailiyyətlər və Təcrübə: • 15 ildən artıq klinik təcrübə və 12.000-dən çox fərdi pasient uğuru. • Praqa (ECO), London (IFSO) və Tbilisi (EASD) beynəlxalq konqreslərində elmi çıxışlar və iştirak. • İstanbul Medipol Universitetində "Beslenme ve Diyetetik" və Bariatrik Cərrahiyyə diyetisyenliyi üzrə ixtisaslaşma. • Ukrayna Diyetoloqlar Assosiasiyasının rəsmi təhsil sistemi üzrə mütəxəssis hazırlığı. • Davamlı olaraq beynəlxalq elmi konfranslarda elmi məruzələr və tibbi yeniliklərin praktikaya tətbiqi.

Metodologiya və Media: Dr. Leyla dünyada tanınan "Düşmənimiz yağ deyil, şəkərdir" prinsipi ilə idmansız və ac qalmadan sağlam arıqlama metodikasının ölkədəki tək təmsilçisidir. Moskva TV, Show TV, AzTV və digər aparıcı kanallarda mütəmadi çıxışları ilə sağlam həyat tərzini geniş kütlələrə təbliğ edir. Onun yanaşması orqanizmin biokimyəvi balansını bərpa etməyə əsaslanır.

Müəlliflik və Missiya: 2015-ci ildə ölkənin ilk diyet kitabı olan "Sağlam bəslən - Arıqla" və 2017-ci ildə "Köklüyün sirri" kitablarını nəşr etdirmişdir. Onun əsas missiyası yalnız çəki itirmək deyil, hüceyrə səviyyəsində yenilənmə və metabolik balansı bərpa edərək insanların həyat keyfiyyətini yüksəltməkdir. O, insanlara qidanın bir məhdudiyyət deyil, sağlamlıq və enerji mənbəyi olduğunu aşılamağı hədəfləyir.